Varon Milanes/Resposta de mì Varon Milanes a Prissian da Milan
 |
Questo testo è stato riletto e controllato. | |
| ◄ | Strambott de Prissian da Milan a Varon Milanes | Sonett de mì all'Ill. Sig. Ercol Galarà Nobel Milanes | ► |
RESPOSTA
DE MÌ VARON MILANES
A PRISSIAN DA MILAN.
Î Pur mò Prissian fa on gran bel bott
A mostravv Milanes spuaa spuisc:
Ma Mi n’incagharè a l’ajaa e i ravisc
E anch al meud ch’ò biù da quatà l’biott:
Se nogh fass mò d’intorna pù naghott,
E ch’el testò n’avess noma on sol lisc,
Credii ch’ai me diravv, vit là quel risc
Che se faa int on borlon con quater mott?
Ai me bolgetaraven la in verzee
Infrisà de buvij de sciarvelà,
Co i rav, i remolaz, e ’l ben de dee.
Ona cova de golp à i spal zachà
Me metarà i toson, co i rasg a dree,
Criand: A le chi lò l’incoronà.
Vardè on poo che canà.
Se me trovass a dree simel covascia,
Quand em credess da ess on neuv Bocascia?
Ma par fenì mò l’ascia
Ch’ai staghen savi anch inscì on pochin,
Ch’al è metù el forment sot al morin.