Textauszüge (Alfons Rudiferia)

Questo testo è incompleto.

Pur cunasche ci ch’al è l’inozanza, masung impruma savei, ci ch al è la grazia santificante. Purci inozent è cal, ch’a conservè dal s. Battessimo incà la grazia santificante, ch ne la mai purduda cun ng piccie mortal. Cal ch’la na ota purdüda cung ng piccie mortal, ne nö plü inozent, se al s’ha beng ci indo giustifichö colla s. penetanza e ch’al è indo in stato dla grazia santificante. Cul prüm picie mortal dunque perdung l’inozanza.

Al è gonot dö bong fedeli, chö ha gonot greng trica pur l pinsir, se ai se salvara beng. E l pinsir al l’infer i crucieia dna sort, chö ai perd la vöia alles robes de Di, alles coses eternes, o chö ai mana na vita in amarezza. A chis dischi, chö al è sauri rue a parais. Purci pa cas? Al è indo l div. Salv. la div. veritè cl dis: Iugum meum suave et onus meum leve. Il mio giogo e suave il mio peso legiero. Ci massung pa fa a rue a pareis? Ang dés ester in istato dö grazia, e se àng ha abü la dsgrazia dö tume tng picie mortal dösung receve degnamente l sacrament dla penitanza; se ang è tl stato dö grazia dössung de a ment dö conserve la grazia. Seng dischara ung a l’atr: Cas sei beng; mo mïs confessiuns. I ne sung mai bung dö receve l sacrament dla penitanza insö chi dös. Iö respogne: Fa, ci ch’e te pos e tang bung ch’tla capasses, plö ne damanl Iddi; e cung cas sast assà.