Testament burlesc
 |
Questo testo è completo. | |
Hussem [?] Testamentorum fecit Cargnelis De Montibus.
Nen Non di Giò della Cargna.
L’an della Nativitàt del nestri gran Deu Barba Chech dallas Pinias ai 36 di Zanar l’an 1720, il dí della Luna plena; fat in Tamau, nella propria abitazion da mussar Suelt Testor, alla prisinza da cinc Testemonas staz clamaz, prejaz, voluz, e desederaz da mussar Suelt.
Sint coll’ajut dal Deu mussar Suelt quondam Jacum q[u]ondam Raoni Musulat da Quinia desterat cul mal nella cova, abbenché dal jessi aggravat dal mal, e vicin alla creparia, ma tant a lauda del gran Deo, avind fondament, sens, e intellet, se anchia da bon appetit, ne par seti all’etat da otanta doi ain, e cognossint di jessi vicin al pas della creparia, e che il sou mal seti invocabil, ha volut prima di passà da chesta vita allas glorias di Tamau disponi dallas sos tataras; e prima fasè clamà me nadar, e fat sentà da pit della canisela su la solita banchia da tre pis vicin alla rangula, ha preat, volut, stabilit ch’ai noti il sou testament, la sou ultima volontat, e finalmenti il so ultin. Prima voltat cu la faza viars la cova con las man ingropadas, con la gosa dura, con las giambas incrosadas, con la vita duta flappa raccomandà l’anima soa al gran Deu Barba Cech, e a Donna Sgualdina so muir, al curat, e a altris, a cui simpri professada aveva devozion, rispiet, e premura, acciò abin cura dell’anima soa nel so ultin fin, e che par lor intercession puessi avè la so requie l’anima sou, pari, mari, von, basevon, tervon, e servon nella Busa di Tamau.
Jessint stat interrogat da me nodar, s’al lassa qualchi tatara a benefici dai puars Chiargnei, che par manchianza di astuzia non puessin aquistassi la mochina. Rispuindè con mostaz ruspid. «Nou lassi buzarada nuja, che se sin vuelin roba, fasin, come hai fat io ch’ai scognut là via pal mond, e piami la mochina: soi ridot talas miserias, e non pues lassai nuja dopo la me creparia a chestg furbos malandrez». Dallas altras sous materias poi, setin mobii, setin stabii, intind, vul, ordena, e comanda, c’al devi jessi eret universal Raoni so unich fi. Inpon al medesim comandament, e ordina, che dopo la sou creparia li seti dada sepoltura nel solit sit tal semiteri, che son soliz meti in conserve ju cuarps dei puars Chiargnei, cun ches requias, onours, e prejeras, che forin fatas al sou quinvon, e non altrimenti; ordinat, e volut, che non seti dada sepoltura al so cuarp prima del passaz dell’anima soa second las lez nostas di Paluzza.
Tignind poi dellas grandas obbligazions con la sou diletissima sposa Sgualdina; non puessi ne vendi, nè baratà, nè imprestà las dettas tataras, ma che restà devin in perpetuorum fidelium commissum sinum altrem quintem generationem, conforme il decret nel statut nosti da Patrie per la major conservazion dellas nostas materias. Cioè comanda al so ered, che dalla part della so facoltat setin compensadas alla sopradetta Sgualdina so muir las chiarcolas, las daviselas, il brazolar ret, la dalmina rotta, ch’a serf par palet da fouc, l’urinal vieri, la zangula rotta sull’our, il cos da ledan senza cul, un podin sfonderat, e finalmentri un cavoz da chei picchiaz sot la napa, preanmi inventarià dutas chestas matterias, preanla poi, che veti memoria dell’anima soa con las prejeras, e come disevi di sora, non puedi la detta Sgualdina fa fur lis dettas tattaras a je assegnadas.
Chest finalmentri intint c’al seti il so ultin testament, e la so ultima volontat, cun chest, che se nol val par testament, vali par codicil, e se no, par donazion par volè dal testator ; e infin par dutas ches rasons voludas, stabilidas, e decretadas dallas nostas lez di Tamau. Buina la lez di Tamau. Ma sognut là dal plevan di Denemonts par viodi l’arbul della nosta famea vin chiatat il dimiez della nosta roba, che premava trop ai nestris parents di piami lu tellar, ma la bisugna sin d’è stada, hai scognut brusalu vie pal timp, par fami chuei la mochina.
Jera restada poi finalmentri che cassata, che tignivi la bosima, ma vin cognut meti il biat defont drenti par sepelilu nei solit sit, come che usin a fà i puars chiargnei. Non doveva con altri non clamami che dires la veretat.
Oh felix Adae peccatum, quod talem, ac tantum meruit habere. Qual vita, vita bonis, mors bonis, mors malis, et voluisti est meritas. E cusi seti etc. Presinz par testemonas mussar Mattia Squarnassar di Feltron. Mussar Pauli Pacot di Quinia. Mussar Stacchio Patacon da Denemonz. Mussar Zantoni Coco da Trevas. Mussar Jacun Pitiniz da Dolegna. Testemonas staz preaz, e voluz da mussar Suelt Testor.
Pro extractione s. l. 18.
Lam permissam Notam testamentorum dallas notas suas extraxit Macoribus Bolena de Palucia.