Taglé que ch'eu völg dir
 |
Questo testo è completo, ma ancora da rileggere. | |
| ◄ | Prümavair'ais arrivada | Malbruc nun ir in guerra! | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
106.
(Flugi, Volkslieder, p. 34 — 36).
Taglé que ch’eu völg dir
Cun grand’afflicziun,
Ardaint a mia partir.
Sun schi del bun.
5 Vus femnas, chi vivais
Felices s’ pò nomner
In quist beo pajais
Sainza pisser.
Nus oters povers mats
10 Disfortünos bain zuond
Da non vair stabel plaz
Brich in quist muond.
Que chi am fo dolur
Es da stuvair lascher
15 Ma mamma e mias sours
E mia bap cher.
Il Segner po savair
Scha varons quella sort
Da ’ns pudair tuots revair,
20 O scha sum mort.
Siand il di rivô
Chia tuot eira decis,
Piglio he cumiô
Da chi he vis.
25 Il vih sum passo giò
Sulet cun mia bap cher
Ils sains haun cumanzô
Tuots a suner.
Paraiva be cha quels
30 Cuntschessan mia dulur,
Cha quel di vaiv’in me
Aint in mieu cour.
Ma gio tal lei allur
Sum ieu cun ardimaint,
35 Pigliô tuot mia dolur
E bütto aint.
Cumbôt he banduno
L’Ingiadina daffat.
Piglio he cumio
40 Eir da mias bap.
Impisser vus pudais,
Cu chi staiv’il cor mieu,
Da nu ’vair pü dels mieus
Oter cu Dieu.
45 A quel m’he eu surdô
Dalum in quel momaint,
Il rest he tuot smanchiô
E füt cuntaint.
Scu ün tapfer sudô
50 M’he eu bain miss aqui
Chi vo cul cour sfranô
Vers l’inimi.
Süls cunfins sun rivô
Da nossas Ligias trais,
55 Allur he eau clamô:
Adieu, pajais.
Cur tiers vus tuorn nun se;
D’intaunt ste tuots adieu;
Nu poass dir oura che
60 Cha eau he nel cour mieu.
Viver cuntaints pudais;
Eir eu l’ fess in vardet,
Scha turner nel pajais
Suschess da liberted.