Ta-pù, lu trumbone d'accumpagnamente/Lu timore di Ddie
 |
Questo testo è completo. | |
| ◄ | Lu puverelle cioppe | La Dumeneche de le Palme | ► |
I
I’ ne’ le sacce chelu zi’ Pasquale
a dd’o se l’à ’mparate certe storie.
Ma è struìte! e te’ nu repertorie
4che ti fà ’mpavurì’. Mette l’ucchiale
’n punt’a lu nase e schiude: Prehadòrie
e Mberne e la nature e... l’animale...
Tutte le sa e ci tire na murale
8ca rreste gnì nu chiove a la memorie.
Però te’ lu judizie la matine;
la sere se ne scorde de lu ’mberne,
11ti si ’mbriache e dàjje a mette’ foche.
Sa rissumèjje a chelu capuccine
che ti ve’ a ddà nu terne, na quaterne
14pe’ quattre solde e... isse ne’ li joche.
II
Ogge, mentre passave, m’à chiamate
e à cumenzàte: — Die, nostro signore,
criato l’omo je mittì lu core...
18— Zi’ Pasqualucce, i’ so’ nu scriticàte
— àja risposte — ca lu Crïatore
pe’ me è quattre sagne, na custate... —
S’è ’frusciunìte gni na pummadore
22e à ditte: — Il mondo è una caminate;
e quande tu à da’ fa’ quacche vïagge
che dur’allonghe e a nu paese nove,
25anche se è serene e ’nche le ragge
lu sole abbrusce, pùrtete lu ’mbrelle:
se piove tu la èpre, e se nen piove
28che fa ca sci purtate chelu ’mbrelle?!