Ta-pù, lu trumbone d'accumpagnamente/Lu privilegge de lu disperate
 |
Questo testo è completo. | |
| ◄ | Lu miràquele di San Donate | Lu carusille | ► |
I
Nu jurne, pe’ la feste de nu sante,
si stave a fa’ la fire. A nu puntòne
nu vecchie ’nche nu sacche, ogni tante
4strillave: «Chï le vò’? Castagne bbone!».
Rimpett’a isse, proprie alloche ’nnante,
ci s’avé’ messe n’àvetru patrone,
une che pussedè’ nu cummericante,
8c’avè’ ’ccunciate gni nu baraccone
piene d’assurtimente: cassarole,
ddurìne, pettenesse, pazziarille,
11sapune, cavezette, camisciole
e n’âtre centemila strufanicce...
Che nen tenè’?... Tinture pe’ capille,
14libbre da messe, firre pe’ le ricce...
II
’Stu neguziante grosse, a nu mumente
si mette a cimentà’ lu vicchiarelle:
«Cumpà’ — je fece — te la pesse bbelle
18’nche ssu cummerce fatt’a scartamente,
stî proprie fresche pe’ campà’ la pelle!
I’, no pe’ ddire, ’nche ’st’assurtimente
me pozze fissijà’, ma tìje ’mmente
22quanta mijàre. Ma... ’su sacchettelle!
Che gnà ci pu’ campà’?! Pippe, tabacche,
tassa pustegge, na jurnate ’n gire
25se vu’ magnà’ t’à’ da ’mpignà lu sacche».
Lu vicchiarelle fece n’argujàte
di spalle, n’arspunnì, ma vulè dire:
28Quand’è la sere tutt’à mmascicate...
III
Ma che ti succidì! Dope n’urette
cumènza nu dilluvie, na tempeste:
fùlmene’ acque che sunav’a feste,
32nu vente che facè’ tremà’ lu pette...
Cullù de le castagne, leste e preste,
abberrutà la vucc’a la sacchette,
si caricà na spalle e si j’a mette’
36dentre a la chiese: «Mamme che è queste!
— fece lu ricche — Gente, chï m’ajute?».
Chï vulè’ curre’?... Che lu barraccone
39se ne vulà gni nu paracadute,
e ti vidive chele bagattelle
’n terre, pe’ l’arie... Ci-a rrestà di bbone
42ddu’ stàjje, lu bancone e... na curdelle.
IV
Quande lu cele sa rifèce chiare,
e che ci cumparì l’archebalene,
lu vecchie s’armittì di bbone vene,
46e ddàjje a ristrillà: «Lu castagnare!»
Lu ricche, immèce, che tenè’ la pene,
s’arivutà e ’nche nu suspir’amare
je fece: «’Nci ti ’mbusse ’nche ’stu mare?
50stî ancor’a èsse tu?» «O è serene
o nùvole, nen me fa ’mpressïone
— fece lu vecchie — ca, sopr’a ’stu munne,
53lu disperate queste te’ di bbone:
che ’mmezz’a tante guaie ci s’asciacque.
Lu pesce, quande piove, nen se ’mbunne;
56pecchè? Pecchè ci stave ’mmezz’a l’acque...».