Strufugi/O gigante Golia I
< Strufugi
 |
Questo testo è da formattare. | |
Ubaldo Mazzini - Strufugi (1894)
O gigante Golia I
| ◄ | En beo sumio | O gigante golia II | ► |
Davide, ’n poo pastoe, quand’i sentì
De a sfida do gigante, i s’anfutò,
E i disse: a t’o daò me, a t’o daò,
Pelandron porco, tanto presümì!
Cianta lì e pegue, pisse a fromboa, e lì
Con sinque o sei sasseti ’nto sacò,
Ciapa ’r portante, e solo i se n’andò
Contro a Golia ch’i ghe parlò cossi:
-Come, t’ei tüto te? ma dì a veità
Che t’è ’r muro de métete con me?
Fame ’r piazée, retornetene a cà!
Toco d’en bolicuge, e te no sè
Che s’a te dago solo na didà
Coo dido menineo, te l’è ’nt’en pé?