Strufugi/A cavalaia
< Strufugi
 |
Questo testo è da formattare. | |
Ubaldo Mazzini - Strufugi (1894)
A "Cavalaìa rüsticana"
| ◄ | Aloa e aoa | Er mezadro | ► |
I en dui che se vè ben, ma lü ir fa aposta,
Ch'i gh'ha n'autra pe e man che l'ha maì;
Le, che la o sa, 'n beo dì la ghe fa a posta,
E la ghe disa sc-ciao: te m'è tradì.
Lü, ch'i è 'n fantame cen de presümì,
I ne vè daghe manco de risposta;
Mentre che le la cianza, i se gh'acosta
e i ghe fa, diza: levete de chì!
Aloa ven er maì, e lü i se 'n va,
E le la ghe fa a spia, da 'r gran ghignon,
Che se mugee... de chì, de sà e de là.
Lü i mangia a fogia, e i grida: pelandron!
I me l'ha fata, ma i la pagheà!
E i t'o destenda lì come 'n strasson.