Sora el grossam
 |
Questo testo è completo. | |
Maioor maioor suspir, maioor travai
e plui tas chu d' amoor
son pontej chu mi ponz Pieri miò boon.
Semina cusí biella no foo mai
ni reccolta mioor
si stimava chu fos chesta sasoon.
Mi diseva miò voon
si chu di rar si poo fidaassi in femina
cussí di rar si poo fidaassi in semina.
Biell'injarba, in frosch biel, e biel in spich
ha parrut lu grossan
capara di jettaa trenta per starr.
Si legrava lu poovar e lu rich
l'un per emplaa ’l corbam
l’altri par chel, e per emplaa ’l blavaar.
Ma chest ben rnò disparr
chu in t’el schiassaa ’l gragniel fuur della buija
si chiatta cusí pooch che’è quasi nuija.
Jò ’l sai jò lu puos dij con veretat
chu di siet grangh medons
stimaz da dugh settanta stars e plui
Si puochia blava e mesera hai ijavaat
chu à pasci i roseons
no basta a miez si Dio no iuda lui.
Tuoli mo su colui
chu fas lu cont su ’l piz senza dell’ost
e in spich e in rap stimu lu pan e ’l most.
Chianzon viestiti à brun
e va con pas cidin
dal miò onoraat da mestri seer Pirin
e ad un, ad un, ad un
conta i suspirs di chest coor: spasemaat
peel solaar quasi vuoit e adess zoccaat.