Sonet alegoric
 |
Questo testo è completo. | |
Ven vie, salvín, chu ti vigne ’l foiaal;
Giee, Boo, va là vie ret; zi, Boo salvín,
Chu chel chu t’ha stomblaat ha non Ustin,
E però tire dret e biel a vuaall;
Ch’al chi darà Zuanút domàn dal saal;
Tire pur chu tu sees prest in confin
Des chiavezis; giee, boo, va là, salvín.
Tire, chu, a che di Deu, ti doi d’un paal.
Vinîr, ten dret la pline, ch’al semene
Zuanút ben iu revôrs e Marc’Antoni
Par lunch e di traviàrs la grappe mene.
Fai staa, ch’io batti dentri un poch lu coni;
Pare mo vie ’l salvín, daij iú pe schene
Cho ch’al no vul tiraa, in nun dal Demoni,
O ’l fuch di sent Antoni
Pueschie brusaa chest bo disgratiaat.
Ch’al nò vul mai tiraa se pur stomblaat.