Rime milanesi (Pertusati)/Per ona Messa noeuva. Al Papà del Sazerdot novell.
 |
Questo testo è incompleto. | |
Francesco Pertusati - Rime milanesi (1817)
Per ona Messa noeuva. Al Papà del Sazerdot novell.
| ◄ | Per on' oltra Vestizion de Monega in del Monestee de San Pavol. | On defesta a on Galantomm , e a soa Miee. | ► |
- Per ona Messa nouva.
- Al Papà del Sazerdot novell.
- SONETT
I papà al di d’incœu van per i straa
Camuff, immusonent, senza paroll,
E piangen in secrett da desperaa
Sul destin di fiœu scavezzacoll.
Ohimè che la pù part desavviaa
Dal bon sentee, van con la bria sul coll
A impiastrass in d’on morbo de peccaa,
E corren a l’inferna a rompicoll!
Ma vu ben fortunaa, che i vost bagaj
Ve stan arent comè la matta al fus,
Perchè hii savuu, come se dè, educaj.
Degn pœù d’invidia ai papà tucc per quell
Ver modell de vertù, gemma che lus
Fina intra i Prèvet vecc, Pretin novell.