Rime milanesi (Pertusati)/Per la festa de S. Luis Gonzaga.
 |
Questo testo è incompleto. | |
Francesco Pertusati - Rime milanesi (1817)
Per la festa de S. Luis Gonzaga.
| ◄ | Penser moral. | Al sciur Abbaa Garion che credendes d' avè crompaa duu fazzolitt de scorza d'albor , el se trovè in man on bell scartozz d'insalata. | ► |
- Per la festa
- de S. LUIS GONZAGA.
- ---
SONETT.
O padron spotegh del tesor di grazi,
Che in quell car anemin de San Luis
Gh’hii miss Vù istess per gran bontaa i radis
De l’innocenza e de l’amor di strazi,
Se pur de sopportann no sii già sazi,
Resguardee i mèret de sto vost amis;
Dee a trà, Signor, a quell che incou el ve dis
Sto Angerin, sto careu de Sant’Ignazi.
Se costor no m’han minga tegnuu adree
Per el streccioeu di gigli e gessumin,
Fee che marcen di spin per el sentee.
Inscì pocch fà, vers Sant’Ambroeus andemus
Sol solett lizzonand col ghitarrin,
In scambi del sonett, hoo faa l’Oremus1
- ↑ Cœlestium donorum distributor Deus, qui in angelico juvene Aloysio, ecc.