Rime milanesi (Pertusati)/Per la Vestizion d' ona Monega.
 |
Questo testo è incompleto. | |
Francesco Pertusati - Rime milanesi (1817)
Per la Vestizion d' ona Monega.
| ◄ | Per on Offizi general in suffragi di pover mort. | Per on' oltra Vestizion de Monega. | ► |
Per la Vestizion d’ona Monega.
- ---
SONETT.
Gh’è pericol in terra, e ghe n’è in mar,
Gh’è, a dilla in curt, pericol de per tutt;
Ghe n’han là soa gran part i secolar,
Ma ghe n’han anca i monegh, e de brutt.
Quell ris e fasoritt in d’on caldar,
Vuj di flemminn, bisbetegh, farabutt,
Che han semper de stå insemma, e l’è cas rar
Che tucc sonnen in ton gesolreutt.
Respett uman, pecondria, tepidezza,
Amor de novitaa, de parlatori,
E tentazion de malą contentezza.....
Ecco i scœuj de la monega; ma vù
Impararii a schivaj in l’Oratori
Domandanden la grazia a quell Lassù.