Rime milanesi (Pertusati)/Desingann de Meneghin.
 |
Questo testo è incompleto. | |
Francesco Pertusati - Rime milanesi (1817)
Desingann de Meneghin.
| ◄ | Notizia falsa de la mort d'on viv. | On casett suzzeduu a Meneghin in campagna da pocch in scià. | ► |
Desingann de Meneghin.
- --
SONETT.
Sont deroccaa, sont mezz in sanquintin,
Sont vecc, pien de paturnia e de cuntee,
Gh’hoo parice debititt, no gh’hoo danee,
Sont Bevilacqua per no avegh del vin.
Finchè el Sô el m’ha lusii sul baltreschin,
Hoo componuu di vers quanto sia assee
Ma foo cunt che i mee rimm guardand indree,
O bonn o gramm n’han mai faa rid ciappin.
Hoo cantaa per mè spass, no canti pù,
E l’è de giust che andand cont el coo bass
No pensa che a stà ben con quell Lassù.
Sont pocch lontan da quell tremendo pass....
Me par d’ess con la Mort a tu per tù:
Ah! car Signor, no me mandee in sconquass.