Revistas Umoristicas e Satiricas/2
 |
Questo testo è completo. | |
| ◄ | 1 | 3 | ► |
Crestomazia Retoromontscha VIII 
di Caspar Decurtins (1907)
Questo testo fa parte della raccolta Rätoromanische chrestomathie
| [p. 73] | Nos Pled Ladin. |
Engiadinais!
Vus bain savais
Ch’üngün nun ais
In sieu pajais
5 Ün bun profet.
Eir eau predir
Nun sè per sgür
Que chi po gnir,
Nel avegnir,
10 In nossa Vall.
[p. 74] Fazil però
Il cas sarò
Cha plaun plaun vo
Del tuot schmancho
15 Nos PLED LADIN.
Sco cognit ais
Il Germanais
Vain uoss’imprais,
In nos pajais,
20 Dad iminch’ün.
L’Italiaun
Discuorrer saun,
O mêl o bain,
Il paesaun
25 Ed il Signur.
Ed in varded
Cha nella sted
Ais rarited
Udir nos pled
30 Romauntsch - ladin.
Ogni Portier
E Camerier
Sò as spiegher
E barbotter
35 Duos pleds Inglais
[p. 75] Ils Negoziants
Suvenz seccants,
Per trer cumands,
Complimaints grands
40 Faun in Franzês.
Ils Advocats
Scrivan lur acts
Ed ils contracts
Saimper redats
45 In bun Tudais-ch.
Ed ogni Uster,
Per figürer,
Soul’ fer stamper
Per il gianter
50 „Menus“franzês.
Bgers a LAVIN,
A FTAN e TSCHLIN
Tschauntschen perfin
Pled da BERLIN
55 A perfecziun.
E quels da SENT
Gnand da davend,
Parlan gugend,
Con bun accent,
60 Il pür Toscan.
[p. 76] Ais il LADIN
Usche lamin
E dutsch e fin
Neglet perfin
60 Dals Pedagogs.
In conclusiun,
Nel vegl Grischun
Pür memma sun
In mod’e tun
65 Esters linguachs.
Be ’ls Predichants
Saimper zelants,
Perseverants,
Sforzs faun bain grands
70 Per nos LADIN.
Taunt nel predger
Co converser
Üsan druver
Il linguach cher
75 Da nos babuns.
Ed ils Poëts,
Con lur Sonnets
Pü o main drets,
Quasi sulets
80 Scrivan Romauntsch.
[p. 77] Engiadinais!
Perchê mettais,
Sco vain pretais,
Uschê poch pais
85 Sün vos linguach?
Fintaunt cha l’IN
Cuorra contin
Da SEGL fin TSCHLIN,
NOS PLED LADIN
90 V’ lains conserver!