Rätoromanische chrestomathie XI/Volksgebräuche
 |
Questo testo è completo. | |
| ◄ | Kinderlieder | Caspar Bardola - Poesias | ► |
Volksgebräuche.
1. Bunmann.
In la nossa voasinanca da Visavran l’era la moda d’indèr i fantg da ciäs’in ciäsa augürèr al bun an al prüm di da Ganair cun dir
Bun di, bun an,
Je sunt ciò pel bunman.
Bun di, bun an,
Um av augüra ün bun ann
Cun salute, soldi, pace
e allegria bun’armunia e felicità.
Bun di, bun an
Je’ f gavüs un bun an
Cun sanità, furtüna
Contentezza e felicità.
Pel bunman fansü la gent dalla nostra vasinanca: fogacia, grassin, os da mort (croccanti) e panfort.
2. Bavania.
Da Bavania as radüneva la gioventüra e culèvan al plomb. Da lan figüra ca gnivan ora vuleivan spiegèr ci ca sarà’ l se venturo spus o la si spusa. (Iss’i giogan la flur St. Gian.)
Di flurina da St. Gian
Quel c’as spetgia in quist an;
Di s’um sarà furtünäda
Da truvêr la dretgia sträda,
Quela ca senza falär
E l’amur a da manär.
1.
Dunque di, um cre sagiüra
E la ti bun aventüra.
Di al prüm, sa lüsc dal ceil
Preist evärt um poss avdeir?
1 Üna volta je cradess
2 Mai; 3 Preist, preist.
4 Duman; 5 daspess.
6 Drè ca tu sarà veiletta
7 Per tgiört temp la mi matetta;
8 Senza fall; 9 per’ t turmantär;
10 Agn e agn tu po spatgiär;
11 Cun lan rosa al vegn al marus;
12 Poc di dre, tü perd al te spus.
2.
Sat, sa quel c’je a imment
Forza er am a giügent?
1 Le ün pez ca tü’ j plasess,
Sa lasca ad dir al vess;
2 Nuss matarà mai evant
Pertgie ca le timid tant.
3 Ma sa tü’ j da sparär,
Al vegn preist et dumandär.
4 Oh, nul fa cu spass e giög;
5 Al se cor le plen da fög;
6 Al va per gassa e cantun;
E sa’ t ve le cuntentun.
7 Al va perfin vi’ l curtinet,
8 Per at tciantcär sü sulet;
8 Sci al pensa som e tü,
9 Al se cor le plen dulur,
Nul sa, ca tü ’j port amur;
10 A fa per as divertir,
Ma mai, mai nut po sufrir.
11 Quist invärn in mez al glatc
At vöi tör int i se bracc.
12 Un eterno amur al sent
E quel cal disc dà pür e ment!
3. Calend’ da Marz.
Da Calend’ da Marz van anc’issa oppür le anca moda d’augürär e clamèr ora la prümavèira. Al prüm le i fantg da scola ca disan sü üna pita scena ca mossa al sciur maestro oppür un toc dal libar dalla Stria.
I fantg pü pit vegnan er disant:
Calend’ da Marz
Calend’ d’Avril
Calend’ da erb’e föja.
4. Maitinäda.
A ravèdars la mi ciära mama
J’ ev racumand l’an mi ciära cumpagna.
A ravèdars al me ciär bab
J’ ev racumand i me ciär mag.
A ravèdars lan mi ciära sor
J’ ev racumand d’am guardär sempar par sor.
A ravèdar i me ciär frer
Je’ v racumand da nu’ m dascmancär.
E lascià gnir or la nossa giunfra spusa
Lasciàla gnir ora cum la possa guardär.
E lascià gnir or la nossa giunfra spusa
Lasciàla gnir or nu la fagiè plü cridär.
E manà la spusa par la dretgia via
E nu la manà par al trotg da lan stria.
E manà la spusa par la dretgia sträda
E nu la manà par al trotg da lan ciävra.
5. A Sant Silvestar.
Giò l’ann veil sta par där volta,
Cui se spign e lan si flur,
Cun cor grato, um ringrazia,
Di se dun, al bun Signur.
Sü amic in armonia
Sü cum cant’in cumpagnia
Tü veil ann passà, addio.
Preist l’ann noiv nô um salüda
Ben giügent da bun umur
Sü cum prega ca’ s preserva
Sempar, sempar da dulur!
Sü amic in armonia
Sü cum cant’in cumpagnia
Tü ann nôiv ca vegn evviva.