Rätoromanische chrestomathie X/Historias biblicas/Maria pro Elisabeth
 |
Questo testo è completo. | |
| ◄ | Historias biblicas - Maria | Historias biblicas - La naschenschia da Johañes | ► |
| [f. 37r] | La III. Historia. |
Maria pro Elisabeth.
Sül momaint s’ fet Maria sü et viaget dalunga sur la muntognia pro sia jaja Elisabeth, per la portar quista deletaivla noa et per s’alegrar insemel ât in Dieu. Davo s’ dits da viadi lung gnit ella innaspetadamg pro la chiasa d’Elisabeth, la salüdet et la giavüschet fortüna pro la grazia la quala era eir incontra eir a Elisabeth. Sül momaint chia Elisabeth havet duldi quista gratolaziun era ella implida spiert sonch. Quist la fet cler perchia chia Maria vegnia. Plain da reverenzia clomet ella a Maria incuntra. O tu la plü benedida sur da teis sexto. Dingiunder a vegn il delett chia la mama da meis Segner am visitescha? O beada siasch tü chia tü hasch crajü! Tott quai chial Segner ta impromess jera in efet. Maria s’ duldit nomnar mama del Segner e surstet chia Dieu non sorstes chia Dieu non ho solamaing palainta il misteri d’Elisabeth d’impresai eir quist il seis. Sia algrezia sdajet seis cor sdazet vers il Ciel; seis còr jet or sura; ella comainzet d’ingraziar a Dieu dad’ât, et seis ingraziamt deiaintet ûn canticum: „Mia orma magnifichieschia al Segner“, clomet ella „meis spiert jubileschiat in Dieu mia salüd. El ha guarda jo sün mendra fantschella, et guarda, dad ossa inavant ma nomerauni beada tottas generatiuns. El ha opperá grondas chiosas in maj. [f. 37v] El l’omnipotaint! Seis nom eis il sonch. Sia misericordia sa diliteschia pro quels chil teman — da generatiun in generatiun. El oppereschia con seis bratsch potaintas chiosas. El schnüglischia ils diseins da quels chi sun dün superb côr. El banda ils arogants del Thrun, et meta sün quel ils humils. El da als affamats in abbundanza et lassa ir ora vöds als richs. El ha darchiau tutt sü seis pövel in Israel ses serviaint s’ regordont sülla misericordia qual el ha impromiss a noss babuns ad’Abraham et seis descendents — in etern — Chia netta orma era Maria quala sa podet sallegrar sül fidel et sonch Dieu. Algrezia in Dieu, quista bella fluor s’ flüreschia solum ora dün nett cor.
Maria restet quasi 3 Mais löng pro Elisabeth. Ellas non sa podetan bot neauncha sa seperar üna dall’ottra. Usche gronda era sia comüna algrezia in Dieu, lur amur taunter per.