Rätoromanische chrestomathie X/Florin Pitsch/Collecziun da chanzuns da Messa
 |
Questo testo è completo. | |
| ◄ | Poesias - In matrimoni baingratià | Florin Pitsch - L. Justinian Lombardin | ► |
Collecziun da chanzuns da Messa da Ml. Fl. P. Miss’in stampa da P. Albuin. Innsbruck. Stampa Fel. Rauch. 1904.
| [p. 3] | Introitus. Nr. 1. |
Aqua avaunt tia majestà
In fatscha da teis thrun
Eis tott teis poevel congregà
Con soncha devotiun.
5Ans lav’o Dieu da noss pechiats
Accio no tots co(u)[n] lefs nettiats
Da tott nos cor pudain laudar
Et culs Anguels t’adurar, per t’adurar
Et culs Anguels t’adurar.
10Quist paun et quist sonchissen vin
Sün quist altèr aquà
Ascenda oz al bab divin
Per qual l’eis preparà
Quist dun sonchissen quà preschaint
15Tunfrin cul’ cor da penitaint,
Accio sajür totts noss pechiats
Or da teis cudesch sian chassats, sian chassats
Ora da teis cudesch chassats.
Per grazia, o bab! nu totts clomain
20Sco ovras da tia maun,
Ajüd da tai teis figls rovain
Et grats a tai saraun.
O s-chatscha tras tia soncha glüm
Or da noss cor tott la s-chürdüm
25Da ciel trametta tia splendur
Implescha quel con tia amur — con tia amur
Implescha con tia amur.
| [p. 5] | Gloria. Nr. 1. |
A tai o Bab pertucca — laud, gloria et honur,
Quai chauntscha nossa bucca — cul cor impli d’amur
Da teis sonchissen thrun — la pasch pretiusa da —
A totts ils quals chi sun — da soncha voluntà. (rep.)
5Aquà sün nossa fatscha — nu flaivels ta laudain,
Noss debels lauds imbratscha — quals nu insemel fain,
O Spiert divin implescha — noss cor con teis sett duns,
Acciò quel tu unfrescha — uni con totts ills buns.
| [p. 6] | Avaunt l’Evangeli. Nr. 1. |
In quista baselgia nu totts ta rovain,
O Dieu tia grazia nu tots oz spranziain
Per vezer tras quella et bain eir chiapir
Teis pled et per quel tot paziaint eir patir.
5La sonchia dutrina cha tü ans hasch dat,
Cur tia persuna aquà pro nu stat,
Ans vöglia unir insemel sco frars,
Et eir ans parchürar in totts noss affars.
In nossas travaglias ë la dutscha sco mèl,
10Da quistas miserias ans mainla in ciel,
Ans renda a tots in la gloria beats,
Scha stabils a quella sarain aquà stats.
| [p. 9] | Avaunt predia. |
Gni naun o Son Spiert — del trun majestus,
Sün qual circundaun — ils anguels glorius.
Totts voss sett duns nu oz s’ rovain,
Et vossa grazia oz spettain
5Gni naun o Son spiert! a vu recuorrain.
Gni naun o Son Spiert — con vossa splendur
Dat splendida glüm — al predicatur
Con viv’amur seis cor impli,
Seis pleds arsaints o benedi
10Gni naun o Son Spiert — pro nu oz qua gni.
Chi circumdescha nossa maint
Et inorbescha il sapiaint
15Gni naun o Son Spiert ans siat grazius!
Gni naun o Son Spiert — cul bap et cul figl
In nu habitai oz et da contin.
Da totts laud sia adingual,
Al Bap et figl et Spiert eternal,
20Gni naun o Son Spiert — o spus celestial.
| [p. 10] | Credo. Nr. 1. |
O stupend miracolus thesar del ciel
Eisch bain tü o cretta cha nu vain —
Ün dun divin da Dieu infus in noss cors
Ciel et terra con ün „fiat“hal fat,
Ha creà tott visibel et invisibel et tott
Quai chis mova sün quist mond.
Ma per tal grond benefici consegui
10L’ingrata creatüra s’ ribelet
Surpassond la letscha del creader
Et quatras serà las portas del ciel.
Non obstante quist surpassamaint,
Ün Mesias ans tramettal sül mond
15Ans spendront tras passiun et la mort suferta
Pel pechader bandunà.
Non containta la buntà del figl da Dieu
D’ans vair tutts ora dalla sclavitü,
El ans da amò laprò ils sacramaints
20Tras ils quals pudain devainter perfetts,
Il sonch Spiert ans dà la glüm a totts
Da cognoscher et discerner tott
Quel chi vol sa profitar et dovrar
Bain quists mezs sarà santifichà.
25Ma sur tott quai quà inguott’ans po jädar,
Schi manchess las ovras et ils fats,
Senza quals la cretta morta foss da fatt,
La passiun da Christus senza cuffort
D’impersai la Cretta et ovra pro
30Ans faraun eternamaing — beats
| [p. 13] | Sanctus. Nr. 1. |
Chantain nu Sanctus, Sanctus — eisch tü Dieu Sabaoth
Clomain nu Sanctus, Sanctus — a quà et da pertot
Tras totta nossa vita — in totts eir noss affars
Teis nom laudà chal sita — in terra et eir süls mars. (rep.)
5Hosanna in l’atteza — nel mond aquà chantain
Davent con la tristeza — Da cor a Dieu laudain
Odiain la pumpa vana — e dschain con hümiltà:
Quel quà chi vegn „Hosanna!“ tras tott l’eternità.
| [p. 14] | Dopo la consecratiun. Nr. 1. |
Con vaira hümiltà — ans inclinaini quà
Avaunt nos Dieu etern — sco il flaivel verm.
Non po chapir meis sentimaint — il grond misteri qua preschaint,
Ma tü a Dieu hasch già chauntschà — et el ais cuntà.
5Gni totts in quista fin — avaunt al figl divin.
Adurai quist Sacramaint — El eis qua preschaint.
Con vaira hümiltà, . . .
Sün tia crusch has tü zopà — da tots la tia divinità
S’ha zond retratt sün nos altèr — sia humaunità intèr
10Gni totts in quista fin . . .
Con vaira hümiltà . . .
O grond miracul in quist mond — miracul eir als Angels zond
Chi po la tia buntà chapir? Nu totts be stain stupir.
Gni totts in quista fin . . .
15Con vaira hümiltà . . . [chargiats
Volgiai voss ögls da noss pechats — con quals nu eschan totts
Gni totts con grond fervur — gni totts pro quist dottur!
20Gni totts con gronda sai — et quà sa spisiaintai,
Ta rov o Dieu da tott mia maint — con tott il pövel quà preschaint
Ritschaiva nos giavüschs almain — t’ ritschaiver non pudain.
Gni totts in quista fin — avaunt al figl divin
Ogni frar et ogni sor — l’ingraziai da cor.
| [p. 26] | Dopo la consecratiun. Nr. 10. |
Maria sper il thrun divin
Eisch tü Regina senza fin
Maria salüdada (rep.)
Da tott las verginas eisch la flur
5Ex exaltada in prüm’honur
Siond la Mamma eisch ossa tü da Dieu. (rep.)
Preservam dal maltaintamaint
Guverna meis reportamaint
Et non ta causar displaschair
Fam gnir in grazia con meis Dieu. (rep.)
Maria netta dam virtü
Cha poss devaintar nett sco tü
15Netteza saimper dad’amàr (rep.)
Quel nöbel, bel, precius thesàr
Ma jüda pro d’il preservar
Cha poss’arriver nett in ciel (rep).
O fa chia possa t’imitar!
20Ils vizis vögl’abominar
Tras tott la vita mia (rep.)
Iau vö seguir als prus sapiaints
Et salvar totts commondamints,
Surpassar mai, ne pac ne bler (rep.)
25 O Mamma cur cha serr’ meis ögls,
La mort eis quà culs ultims fögls
In quist horrend, terribel pass (rep.)
Schi pleda tü bain in meis pè
Et piglam sü sott teis mantè
30Per tott bead’eternità.
| [p. 27] | Conclusiun. Nr. 1. |
Finida l’offerta — finida con frütt
Speraini quist’acta tott bain per conclüt
Mantegnans tü Segner per buns teis uffaunts
Per grats teis plaschaivels catholics Christiauns.
Chi pol ans distachar da teis patern cor
Ans levar il zelo, la grazia d’ans tor.
Las ormas, tias spusas, — spartitas in tai
10O Segner, stüdainta la gronda lur sai,
In carceras düras per pürgiar lur sort
Con paina ’las spettan teis saung per cuffort.
Schi leva tia maun — Tü divin Sacramaint!
Benedescha teis pövel preschaint et absaint
15Mantegnans la cretta — non stüdar sia glüm
Inglur et in specie — quist pover comün.