Prose e poesie bellunesi 2010/10
 |
Questo testo è incompleto. | |
| ◄ | 9 | 11 | ► |
JOHN FRANCIS DELLA PIETRA (1955)
Cazador.
Cazador
oh dio mi Signor
valgugn i dis che l é na burta raza
no l é vera, bisogna sol stà atenti co i verz la caza
alora i ghe tira a tut chel che se mof
anca a na pita che nte l bosch la perz el vof
no i é cativa dent
i nom di posti i cen a ment
e co l é ora i neta i troi da le rame e tut dintorn
che calche pore bestia no la se ronpe i corn
se sa che dei animai i à conpassion
anzi propio passion
cande che i ghe n ciapa sot un, pitost che l patisse,
senper un de lori te cate che l dis: “Mi el finisse…”
e se l era sol ferì
e no te sà onde che l va a morì
l é lori che i và a caza
coi soi can da sanch i zerca la traza
entra de lori zerte volte i é gelos de la sua zona
cossì da spes i se conta na s-ciona:
…”Ghe n ai vist na mucia l auter dì,
là su chel col l era set mas-ce o de pi…
l era anca en gran bech…”
Enveze l era en bodat con doi stech
ma ognun cande che l so l à ciapà
a chi altri el và a ghe daidà
anca se no i é tuti amigogn
en zerti momenti fra lori i diventa bonazogn
come cande che l é ora de dì a zena
i é tuti là … la taola la é piena
i descor difizile de selezion
ma saon tuti cala che l é la so passion
tirà na tonada
e vede na bestia sbrasada
ma i sfadighea e i perz sol el so tenp
no i ghe fà del mal a la dent
da cande che l é el mondo e che l é memoria
esiste sta storia
che l om l é cazador
te preghe, varda senper du Signor
e alora en conpagnia
bevonse sta boza fin che no ghe n é pi nia
e senza fà tant busnor
che i animai no i ne sente … cazador
(Canal)