Prose e poesie bellunesi 2009/Maché rosa
 |
Questo testo è da formattare. | |
Autori vari - Prose e poesie bellunesi 2009 (2009)
Maché rosa
| ◄ | 29 | 31 | ► |
ADEODATO PIAZZA NICOLAI (1944)
Maché rosa.
Maché ros de na rosa,
dame n goto de vin par
s-ciaudame l sango e vardà
meo l enrosadira npizada
sora de le faghere, par
sbilancià l cuor e cancelà
la paura che stroza l amor.
Bisogna esse fora de testa
par savé come fei festa
n medo ai laris e le peruzole
sconte tra i rame; savé
come balà sote la pioa
tacade ai barance visin
a le crode. Avé la forza
de tomà tel rin senza
le braghe, apena nassude.
Sentì la passion come chel
ota che te as bussou la toa
tosata e daspò scondesto
davoi ale brusse. Bisogna
sentisse n tin mate par podé
scrive poesia che senpre
deventa bausia, mai bona
de dite la verità. Ma basta
feilo con umiltà…
Padova, 23 maggio 2008
(Vigo)