Prose e poesie bellunesi 2009/Na cruzia
 |
Questo testo è completo. | |
| ◄ | 23 | 25 | ► |
LAURA BUSIN DI PIZOI (1980)
Na cruzia.
Mè nona la é malada, la é drio a piurà
chissà se anca stavolta la varirà.
L à ben i soi agn, l à passà i otanta,
tuti i te dis: la s à fat la sò vita.
L è ben natural che capite i luti
chela da la fauz la luga par tuti
però co l é ora de se saludà,
ston mal anca se s aon parecià.
Doi dei miei noni i é caminai auna:
i era en cuatro, ades me n resta una,
e senza de ela me farai marevea
de no avei pi gnanca n vecio en famea.
Oh, se podesse sentì encora le s-cione
che me contea l Evelino, la Elvira e l Tone
co dei a catali l era encora pi bel
se i me le contava du par apede fornel.
Ma pi passa i agn e pì me nascorde
che oramai tante robe no me le regorde
enveze i noni i à la memoria
e i cen a ment la nosta storia.
Gnanca lori no i pol avei saldo reson
zerte volte magari i se fà confusion
però fà lostes, l é polito scoltali
fin che i aon convien rencurali.
(Falciade)