Prose e poesie bellunesi 2009/Orazion

Giovanni Sottsass

Orazion. ../13 ../15 IncludiIntestazione 28 febbraio 2016 50% Da definire

13 15


GIOVANNI SOTTSASS (1974-2008)

Orazion.

Tu che te fesc sofià
l vento, leà l soroio ogni bonora,
tu che te me fesc
caminà
dì par dì.
tu,
ió penso che te sees,
anche se no sei ce che
t as gnon, soralduto ci o ce che
te sos.

Cuanta gueres inze l to
gnon che i à conbatù!

Epura cuanta ‘sente che ra
prea par te con tante gnomes
da cuanta boces che l é stà
bestemà l to gnon!

Ió no sei cemodo te preà,
cemodo vardà ves de te,
ió poi solo te dì gramarzé par me fei
vive
ogni momento e no
conta cemodo che see
i mè dis!
Fosc un dì sarei bon
de capì ci che te sos, fosc
t ei anche tocià,
ma de seguro ei vedù
ce che t as fato,

Fosc son massa “pizo”
par capì l to
gran projeto, o fosc
cissà, gnanche tu no t as
un projeto.

Tu te sas cuanto difizile che l é
tirà inaante dì par
dì,
esse boi de stà par sora!

Cissà, mangare ades te sos drio
a te sofeà inze l mar par me
e no te me conosces.

A ra fin pos te dì
solo chesto:
Cissà?

(Anpezo)