Prose e poesie bellunesi 2009/Stefano
 |
Questo testo è da formattare. | |
| ◄ | Prose e poesie bellunesi 2009 | 2 | ► |
PIERO DE GHETTO DE ROCHE DE LISEO (1932)
Stefano.
L ameda Pierina l aea an cian, cuatro o zinche iates, tré oches, an grun de conice, doi ciaures, sié fedes e n ciapo de pites. Can che deo a la ciatà, vedeo tanta otes an riedo de tré o cuatro ane che duiaa beato a pede la sò besties. Da mi l aea sodizion e no l parlaa. Al me vardaa e l tasea.
L ameda Pierina la m à dìto de ci che l era e che l aea inon Stefano.
In chel inverno son dù a sià ia la Vares de Vilanuova e èi vedù Stefano iazà come n crò, coi sie ize pè, davesin del gancio che l vardaa ci che dea su e do.
Zenza dì nìa i èi netà al nas, i èi sfregolà le man col nieve e daspò me l èi betù intrà la ianbes e l èi menà su col gancio fin su in zima.
La paura la i era passada e l à scominzià a dì su solo, anche sul gancio gran de Ciariol. E l à ciapà na passion mata de sià. Daspò de inchelota, can che l me vedea par strada, l aea i guoie che ridea e me penso che n ota al m à dito anche ”Ciao“!
Poco tenpo daspò Stefano al s à malà e l à cognù dì in paradìs; massa presto e prima de l ora.
Ió son convìnto che see an paradis anche par la besties, se no autro parcè che les no sà ce che see la cativeria e, de seguro, cheles de l ameda Pierina les é dutes lassù.
Sarae anche bel se in paradìs al neveasse: chel bel nieve suto e farinos.
Nò par nia, ma an paradis zenza besties e agnó che no se può sià, ce paradis saraelo. Vero Stefano?
(Borcia)