Prose e poesie bellunesi 2007/El reguz e la neola

Gabriele Riva

El reguz e la neola ../XII ../XIV IncludiIntestazione 2 agosto 2015 25% Da definire

XII XIV


GABRIELE RIVA (1975)

El reguz e la neola

Co i oci seradi
e la nef che vien dó
me sente n reguz
poià su, pede n ram
Fiadigole ciare
le me nega le ale
e n sgrizol de fret
me cor su per la schena
Me ingrume, me struche,
me sgorle dó l giaz,
me poie a la dassa,
me strende pi n là.
Nissuni che ciama,
i é tuti che i tas.
I scolta la val,
i varda lontan
Ma nia nó se vet
nia gnanca se sent.
L é solche l mè cor
che me cen dessedà
Tornarà ben el calt!
Vegnarà ncora istà!
Alora sì sgolaron,
alora sì subiaron
Tut al dì a fà matez,
a scaldasse co l sol
e a l onbria a se polsà,
becà su e ciapà fià
Ma … intant che me insogne,
na sgrinfada de vent
la m à strissà l vis
e la m à dessedà.
Nó neveghea pì
e s à vert fora l ziel.
Somea tut n alter mondo,
tuta n altra poesia
L é restà solche na neola,
ingrentenada nte i pez,
per fà doi ciacolade,
per stà a una co mi.

(Oltach)