Prose e poesie bellunesi 2007/Enrosadira
 |
Questo testo è incompleto. | |
| ◄ | IX | XI | ► |
LUCIO FEDON (1980)
Enrosadira
L sol, dopo na dornada de laoro, l é drio a dì a riposà, a dormì,
sote de le cuerte de nuvole de seda, te l tardo dopomedodì.
I Spoute de Toro da sto sol i é lustrade de rosa, n rosa de pi,
serade tra na cornis negra i somea che no i se pode ardonde pi
e i auriei del mè cuor i ride e pi rasserenà i lo fei deventà.
Co che l troi de la vita negro l somea deventà,
scuro daparduto, ai fianche, sote e sora,
na luse rosa davante e sora se po ciatà
e de desperà no l à mai da ienì l ora.
L cuor e l soriso, l anima e l spirito de ardento vivo
mai negre e scure i à da deventà.
Ste crode a ponta l ziel negro sbreà le somea,
nasude dal negro come de speranza su de n pra scuro che i bete i confin al mal.
Te n modo conpai mai ei da lassà dì te n troi scuro la vita mea,
ma ei da zercà na luse rosa, na enrosadira che la me fade da fanal,
così che l desperà, come l ziel negro, see del duto veramente sbreà.
Ei da vardà te le me crode, co n guoio profondo,
zercando de capì chel che Dio me go fei vede,
co che l sol l fei dì a dormì o l fei nasse
disendoghe de bussà la croda e i crepe e de fei passà, de lore e de noi,
de beleza e de speranza la siede,
alora anca par me la beleza e la speranza le nasse
e l negro ziel e l negro troi sbreade i sarà.
Chesto l é l miracol de le nostre crode:
co che n peso su la schena ne poia,
n fusil al nostro cuor somea ciapà la mira,
la fauze de la morte par visinasse ai nostre cuor e le nostre vite le somea rodolà verso erte vare
come le fosse grande, tonde, de fer rode,
dovon sperà, preà e vardà co speranza l miracol ciamà: enrosadira.
Te vedaras: così n troi rosa de vita te le nuvole e te le vize negre po esse ciatà.
(Domeie)