Prose e poesie bellunesi 2007/III
 |
Questo testo è incompleto. | |
| ◄ | II | IV | ► |
NICOLA ALVERÀ DE ‘SAN (1968)
Sensazios
Ra voia de ‘sì su sul Monte Bianco r é propio granda. El di de Nadà vado a na zena coi amighe de senpre. Sento di che Diego el vorarae fei festa par i sessanta ane co ra zima del Bianco. Eco r ocajion che spetae, un ‘siro co ra parsona iusta! Ai chinesc de aprile moon par chesta aventura, ma ormai da longo l viaso sentie che ra zima no r arae fata. L é stà in ogni cajo zinche gran biei dis: on vedù Cervinia, Courmayeur, Chamonix e par fenì son ‘sude sul Gran Paradiso, 4065 metre de outeza, co na gran bela ‘sornada e soralduto, infinalmente, a pè. Schie, peles, un saco sun schena e l ceto de ra natura che ‘sà da calche an el me fesc conpagnia. A ra fin, però, me vanza ra sensazion de in chera domegna: fosc ra zima del Bianco no ra fejaron. Ra crodes es resta là, i disc dute, e ió spero che st outro colpo, ormai a moe, ra sensazion iusta see chera de ruà su in son, ma del Monte Bianco sta ota!
(anpezan)