Prose e poesie bellunesi 2006/Os de l'aga

Adeodato Piazza Nicolai

Os de l’aga ../XIII ../XV IncludiIntestazione 13 novembre 2015 50% Da definire

XIII XV

Adeodato Piazza Nicolai

Os de l’aga

1.
Scolta la os de l’aga
che bianda la lenga,
la sbate sui dente,
la core fresca
dó par la gola.

Tocia na goza de brosa
che sbrissa su l’erba
somea n diamante
ciapou da la luse.

Varda i disegne che fà la pioa
cuanche la toma sui cuerte
e sui viere de na fenestra,

cuanche la bate su le toe spale
e la te lava i ciavei, cuanche
la inumidisse i tuoi oce
e te te sente n tosato de nuou.

Séntesto l Piave che piande
parché le scoaze i tole via l fiou,
e l nostro lago cuasi senz’aga
somea n zimitero. Ades se beton
a conservala cuanche l é cuasi
sparida…

2.
Su la sponda del Rin Bianco
se ferma na ciamorza,
la sbassa l muso par bee
doe goze. Dal ramo de n laris
cala n subioto parché
l à sede; l bete le zate
par tera aonde chel’aga
no core svelta e anche lui bee.

3.
Inte n Selva sento apena
l Pioa che scola tra le pere.
L’aga é massa scarsa, la tera
é massa suta, le trote fà fadia
a noà dó tel Piave. É ruou
la carestia del mondo pien
de sede aonde niente cresse.

Vigo di Cadore 9/10 agosto 2003 - per l’Anno Internazionale dell’Acqua