Prose e poesie bellunesi 2006/I
 |
Questo testo è da formattare. | |
| ◄ | Prose e poesie bellunesi 2006 | II | ► |
Piero De Ghetto
Rico e la partida a scarabocio.
Al diogo del scarabocio l é bel e difizile. La conbinaziones les é così tantes che carche ota se stenta a se ciatà col conpagno che duia insieme. Ió e Rico se cognosson da senpre. Ogni tanto me piase a dute doi fei na partida. No sèi gnanche come che l é stada, ma in chela sera, fin che ereane daos duià, l é scanpà na parola de massa. L era ai prime de otobre. Da alora Rico, canche al me incontra, al fasea finta de no me vede.
Al tenpo passa e ereane vesin de Nadal. Na nuote, che no ero bon de me indorminzà, èi toles an toco de carta e na pena e èi scrito:
Gìra pur in largo e in tondo,
e se t’as an grun de ocio,
nó esiste a chesto mondo
diogo meo del scarabocio.
Al disea Bortol Còcio
can che l era inatemà,
maledeto scarabocio
ió nó vado pi a duià.
L é na roba che saeo,
tanto vero che l’èi scrita.
Te la mando e desmenteo
la comedies de la vita...!
Come i vece che disea:
“Che te stae lontan al mal”.
Anche a ti e a la tò famea,
caro Rico, Bon Nadal!
Dalindoman èi mandà na e-mail a Rico de chel che aeo scrito. Canche se ciaton par strada, se saludon come prima, anche se no aon pi duià insieme a scarabocio…
(Borcia)