Primulas/17
< Primulas
 |
Questo testo è completo. | |
Peider Lansel - Primulas (1907)
La mammaduonna
| ◄ | 16 | Primulas | ► |
Crestomazia Retoromontscha VIII 
di Caspar Decurtins (1907)
Questo testo fa parte della raccolta Rätoromanische chrestomathie
La mammaduonna.
(Annalas XII, p. 360.)
Chod arda il mezdi da stà
E chod ais’eir nella stüvetta:
Tuots sun sül fuond e han laschà
La mammaduonna be suletta.
5 Ün grand silenzi. Nel chantun
Con monoton tictac va l’ura;
Cunter ils vaiders del balcun
Ün spers tavan cloccand schuschura.
Coura sün via srantunand
10 Vers il tablà ün char festina;
Pro mincha squass, cha el vain dand,
Talocca cler’üna brunzina.
La veglia, ils stanguels mans in crusch,
Uossa non ha plü spranz’ingüna
15 Otra, co ’l di saja dastrusch,
Ch’ella pos’oura per adüna.
P. P. Derin.