Por La Messa Novella d' l Reverendo Signor Giuseppe Frena
 |
Questo testo è da formattare. | |
Por La Messa Novella d’ l Reverendo Signor Giuseppe Frena da S. Marting. Farsa.
Schont edl gnü incö tlo alerc
E trec bello insera a to alberc
De chi co sta defora d’ nüs confings,
Da amis, a fa festa con nos Ladings.
Seng lasches cari amis cuntè,
Tgi che Vincenz da Tgianorè,
S’ à chis dis passes sommiö
E co è incö d’ onte veritö.
El veiga n’g grang Bracung
Fo Brac slone söng balcung,
Tgiarè tgiar’l öte por Plajes
Olà che la strada è süda in almajes.
Fora por cösta strada edl gnü,
Dang trec agn, accompagnö dai sü.
Seng i tomel öte na bella parabola,
Mo cös ch’ iu se cunti n’ è pa na fabola.
ʼng pere edl ʼng jan ch’ à dui fis,
Cös dütg po odei incö, cari amis!
Ön s’ n’ è spo sü da Tgianore demez
E è ste fora ʼng bel pitscho pez.
El n’ è le plü son, el è le plü vedl;
Por cös i del so fre dagnora d’l edl
Cang ch’ el damanà co ch’ era büta
E el disea: era va che döt slütta.
Öte cös tomp al metü ia spo e desfat,
Mo no con saltè incerc o fa da matt,
I gros che so pere, no cis gonot, i menà
Por studiö e se fa ütl, desch’ el sperà.
Chis ang al so pere dagnora aspettè
Ch’ el vegne plü e plü in alt alzè,
Mo el ne lʼ à plü tciafé da nü,
De ch’ el n’ ea mai ste pordü.
Roé ch’ el à spo albü de studiö
E co le vesco la prüma messa sacrifichö
Edl gnü de bota a tgiasa in carozza
E so pere i à fat na bella grang nozza.
Por fa costa festa e ste ligercings
Sungse incö gnüs Todesch e Ladings
Con grang allegrezza tlo sö ʼng Mareo
Alla messa novella d’ l nü preo.
L’ ater fre, co è stè a tgiasa a laurè
E à por cös chi pareis da Tgianore arpé,
Ne sa pa nia ʼng pez dio lasce inviö,
A fa nozza cong so fre studiö.
De nant chei mete sura la grang fana,
Val debota song Costamezzana
E se tol por sua vita na bella compagna,
Che l’ ajutö e lo deide laurè la campagna.
Por cös i à l’ spo incö so fre
De la benedessiung bello dang goste.
Fis pross veng da dütg respettes
E pere e oma con ei oneres.
E seng colla nosta gratulaziung
Se dae le Signor fortuna e benedessiung,
A Os, pere, fre e so, cognada e cognö
E ringraziung dücantg de cös bel dö.
Cari amis! Seng le got’ ʼng mang tolede
E n’ evviva a chis dücantg faschede.
Le got’ ʼng alt alzede,
Alzede la us, scrajede – Evviva!