Pontives
 |
Questo testo è da formattare. | |
Questo testo fa parte della raccolta Proverbi, tradizioni e anneddoti delle valli ladine orientali (grafia moderna)Pontives.
Fora insom Gherdëna scomëncia döt te n iade n büsc burt y strënt, plëgn de pedruns, y döra na bona mesora. Iló fora nʼ éson ʼci de de ne sigüsc da pedruns che vëgn jö, y de nöt ciamó demanco, porcí che fora de chësc se mësson ʼci temëi da ria jënt, da stries y dal Orco. Almanco fôla insciö na ota, mo sëgn chʼ al é stradun, ne nʼ aldon pa feter ater. Les stries balâ pa zacan te chël bosch y dër bel podônʼ aldí dalunc la musiga. Sce valʼ viadú se lasciâ pa spo ingiané y jô do ala musiga, i jôra pa stleta; les stries le piâ, le tirâ incërch, le ciufâ, le spatociâ sö burt y le lasciâ spo iló mez mort por strada. An cunta che denanche al gniss jö chi pedruns dala piza de Resciesa, al sî sté iló na gran cité y chʼ ara sî stada sopolida insciöche la gran cité de Suc defora da Ciastelrot. Datrai aldon pitan creatöres sot chi sasc ite y vëiga na löm saltan da n sas al ater. An mina, che chëstes munts sî rotes jö ala mort de Gejú, canche döta la tera tremorâ.