Poesie ladine bellunesi/6

Maria Pais Bianco

Volarae ronpe l mè pan … ../5 ../7 IncludiIntestazione 3 agosto 2015 25% Da definire

5 7

MARIA PAIS BIANCO

Volarae ronpe l mè pan …

Volarae ronpe l mè pan
apede chi che me a idiou a pasà la strada
con tanta creanza, se no, sarae tomada …

Volarae ronpe l mè pan
apede chi che come me a tanto stentou,
ma a senpro avù l Signor che lo a idiou …

Volarae ronpe l mè pan
apede chi che vien volentiera a ciatame,
a vede se éi magnou, o se éi fame …

Volarae ronpe l mè pan
apede chi che a pasienza de sentime parlà,
magare a ston, ma che sa scoltà …

Volarae ronpe l mè pan
apede chi che me recorda la mea doventù,
che me saluda e dis: “Varda de stà su” …

Volarae ronpe l mè pan
apede chi che a ciasa l Signor me vien a portà,
porcè che l me consola e l me fèi resusitià …

Volarae ronpe l mè pan
apede chi che n’autra dì prearà por me,
fin da ades ió ve digo: GRAMARZE’.

(Auronzo)