Poesie inedite (Della Porta)/Lu Tìsiche
 |
Questo testo è completo. | |
| ◄ | Ninna nonne, ninna ninna | Lu scambàte | ► |
I
Avete viste ma’ nu lumicille,
che cià remaste sole lu stuppine
e sèquet’a ardì, ma fine fine,
4e mmanne ogne tante na scintille
pe ffà’ sapè ca l’ojie sta a la fine?
Accuscì sta nu ggiùvene, lu bbrille,
la forza nen te cchiù. Le sunne bbille,
8che ffa parè la vita senza spine,
I’ à ’bbandunate. Supr’a na seggiòle
passe le jurna sì, nire e fridduse.
11Nen parle cchiù, nen trétteche nu pede,
e l’ûcchie, che dicè tanda parole,
n’ za apre quase ma’; sta sembre chiuse;
14ma ’ccuscì cchiuse, quanda cose vede!
II
Vede la ggiuvendù, la bbella vite,
che se ne va ’nghe la spinziratezze;
vede l’amicia sì, rise e ’llegrezze:
18candate, strille, zumbe e bbelle ggite.
Vede na vucca fresche e stinirite,
che le cuprè de vasce e de carezze:
mu ne le vasce cchiù; ggià da nu pezze
22nen z’avvicine, ca stà ’mbahurite.
E passe le ricurde a ccende a ccende,
che mmendre se ne va, ognune lasse
25na lùcia bianghe e vive e tralucende;
e tutte cose ride, e tutt’è cchiare,
pecchè sta vita amare, mendre passe,
28è propri’ allore che cchiù bbelle pare.
III
La mamme, che l’assiste, ogne tande
i s’avvicine e dice: «Di’ pruvede.
Cià da penzà chela Madonna sande;
32c’à qquille de stu munne nen cià crede.
Curagge, fije! N’âme viste tande
che n’ ze fidav’a mòvere nu pede:
parè ggià mmurte, e mmu chi ne le vede?,
36s’à risanate e ppare le ggihande.
Curagge, mamma sè! Ca te sa dure
che n’arivè la primavera d’ore:
39dapù le vide, quand’arivè magge,
lu mese de l’amore e de le fiure,
che gna te sind’arinzanguà lu core
42de forze, de salute e de curagge».
IV
Lu fije sende, e sa ca la staggione
che porte iervaprate e malvarose
è nu velene: nge vu che le cose
46pe che la malatì che nem perdone,
e dice: «O magge, magge! O mese bbone,
se pprime t’aspettave gne na spose,
e, per la smanie de vedè le rose,
50t’aprè pe’ fforze, mu te diche: None,
n’arimenì! N’arimenete, cille!
Mànela mì, prufume sapurite,
53ne spalazzete, fiure d’ogne sorte!
Aspitte, o primavere, nu ccungille,
ca se ppe tutte cose scì la vite,
56o primavere, a me me dì’ la morte!».