Poesie friulane/Vilòtis di guère/Tornànd
 |
Questo testo è completo. | |
Ercole Carletti - Poesie friulane (1920)
Tornànd
| ◄ | Vilòtis di guère - La vôs dal sang | Morosèz e matèz | ► |
Tornànd.
Còr e còr su di ché strade,
tant si lève masse a pianc...
Co lumai la mònt Çhanine,
mi sintìi sabulì il sang:
un intòp tal cuèl, un spàsim,
un tremàz da shàv a pìd...
Còr e còr su di ché strade,
’o rivai fin a san Vîd.
Duçh i muàrts ’e sospiravin:
"Séso cà, làude al Signor!"
Jò vajivi e no savèvi
distacami plui di lór.
Ma fra i vivs, di puàrte in puàrte,
bièl passànd cul cur in man,
mi vignì subìt la vòe
di tornà mil mìis lontàn.