Poesie (Porta)/9 - Gh'è al mond di cristian tant ostinaa
 |
Questo testo è completo. | |
Carlo Porta - Poesie (XIX secolo)
9 - Gh'è al mond di cristian tant ostinaa
| ◄ | 8 - I paroll d'on lenguagg, car sur Gorell | 10 - Aala faa a ment Sura Madalenin | ► |
Gh’è al mond di cristian tant ostinaa
che metten eresij fina in la fed,
gent che se i coss no hin pù che spiegaa
e ciar come del dì no i voeuren cred.
Deffatt l’oltrer me n’è giust capitaa5
vun che fors l’avarav anmò de zed,
se a bagn maria no l’avess tiraa
cont on bon paragon dent in la red.
Lu el sostegneva che no gh’era el piatt
de fà stà in carna e oss tucc i vivent10
unii insemma in la vall de Giosafatt,
e mì gh’hoo faa vedè ciar e patent
che in la piccola vall di mee culatt
ghe foo stà tutt el mond comodament.