Poesie (Porta)/92 - Semm giamò ai vott de April, gh'emm la stagion
 |
Questo testo è completo. | |
Carlo Porta - Poesie (XIX secolo)
92 - Semm giamò ai vott de April, gh'emm la stagion
| ◄ | 91 - MILAN 19 OTTOBER MILLA VOTT CENT DESDOTT | 93 - La mia povera nonna la gh'aveva | ► |
Semm giamò ai vott de April, gh’emm la stagion
che la pò minga vess la mej d’inscì,
e no se ved a comparì on rondon
che i oltr’ann l’eva ajbella ch’even chì.
Cossa dianzen eela la reson,5
stimi quel strolegh ch’el le poda dì;
parlen tucc, e tucc parlen a taston,
e a taston diroo anmì la mia de mì.
Mì dighi che, avend vist in sti agn passaa
come tratten con nun sti car pattan,10
se saran ressolvuu de volta straa.
Puttana! (avaran ditt) se sti legrij
pelen tant de suttir i cristian,
cossa faran con nun che semm usij?