Poesie (Porta)/81 - Subet che sevem sett a on tavolin
 |
Questo testo è completo. | |
Carlo Porta - Poesie (XIX secolo)
81 - Subet che sevem sett a on tavolin
| ◄ | 80 - A LA SURA LENIN MILLESI | 82 - AL SUR TOMMAS GROSS A TREVIJ. Milan, 21 agost 1816 | ► |
Subet che sevem sett a on tavolin,
e che gh’eva dessott quattordes pee,
come fala mò a dì sura Lenin
che i pee che l’han toccada even i mee?
Come fala poeù a damm tant del gingin5
e del cisquitt che ghe sussiss adree,
quand podarev crepà in man de ciocchin
se m’è mai soltaa in coo de pensà a lee?
Sto strapazzamm giugand a induvinà
cara sura Lenin l’ha de capì10
che gh’el poss proppi minga perdonà:
a men che l’abbia ditt che sont staa mì
a toccalla coj pee, perché la sa
che coj man già gh’hoo on schivi de no dì.