Poesie (Porta)/51 - Hoo leggiuu paricc voeult e releggiuu
 |
Questo testo è completo. | |
Carlo Porta - Poesie (XIX secolo)
51 - Hoo leggiuu paricc voeult e releggiuu
| ◄ | 50 - TRADUZIONE DALL'"INFERNO" DI DANTE - Canto 1 | 52 - L'è ona cossa per cristo curiosa | ► |
Hoo leggiuu paricc voeult e releggiuu
quij rimm ch’el m’ha imprestaa del Pelliscion,
e m’hin minga piasuu, ma strappiasuu,
e poss digh ch’el m’ha faa on gran regalon.
E aben con sto confront me sia accorgiuu5
che mì sont on bosin di mee mincion
tant e tant sont content perché hoo veduu
che l’è anmò viv l’onor di buseccon.
Quell l’è on omon dedrizz! Quell l’è on poetta!
Che idej bizzar ch’el gh’ha, che fantasia!10
Come el maneggia ben la foresetta!
Eppur, con tutt ch’el taja fin sull’oss,
l’ha riduu el Zucch, e ridi la part mia
anch mì che cont i zucch gh’entri on quaj coss.