Poesie (Porta)/44 - Remirava con tutta devozion
 |
Questo testo è completo. | |
Carlo Porta - Poesie (XIX secolo)
44 - Remirava con tutta devozion
| ◄ | 43 - FRAA ZENEVER | 45 - Marcanagg i politegh secca ball | ► |
Remirava con tutta devozion
vuna de sti mattinn in l’Ospedaa
el ritratt de Monteggia e l’iscrizion
che dis con pocch paroll tanc veritaa;
quand on tricch e tritracch sott al porton5
el me presenta on asen mezz spellaa
ch’el fava on vòlt real cont el firon
per rampà sora in cort on ammalaa.
A sto pont tutt l’amor per la virtù
ch’el me ispirava quell dottor de sass10
l’è andaa in fond di calcagn lu de per lu.
E hoo vist infin che i sciori no gh’han tort
quand se disen tra lor per confortass
che var pù on asen viv che on dottor mort.