Poesie (Porta)/26 - Bravo lu el mè sur Cont! col vemm negaa
 |
Questo testo è completo. | |
Carlo Porta - Poesie (XIX secolo)
26 - Bravo lu el mè sur Cont! col vemm negaa
| ◄ | 25 - Coss'el voeur Ezzelenza che responda | 27 - FRA DIODATT | ► |
Bravo lu el mè sur Cont! col vemm negaa
quij quatter guadagnaa coj mee servizzi
l’ha faa, come se dis, in d’ona straa
e in d’on medemm viacc duu benefizzi.
Lu, col negammj, fors l’ha comenzaa5
a quistass l’opinion d’omm de giudizzi,
e mì, per via de no avej ciappaa,
quisti quella d’on omm bon senza vizzi.
Perché lu, s’el fudess proppi tolt via
per quell spenseradon che dis Milan,10
l’avarav mai pù faa sta spiossaria.
Perché mì, se fudess on impostor,
o on amis d’ona crappa o on quaj roffian,
no sarev restaa senza i soeu favor.