Poesie (Porta)/17 - Quand passi dalla piazza di Mercant
 |
Questo testo è completo. | |
Carlo Porta - Poesie (XIX secolo)
17 - Quand passi dalla piazza di Mercant
| ◄ | 16 - Varon, Magg, Balestrer, Tanz e Parin | 18 - On villan porch de razza de becchee | ► |
Quand passi dalla piazza di Mercant
e che vedi a brusà di mercanzij
in mezz a on serc de ozios, de tôff, de spij,
ridi de coeur ch’hoo mai riduu oltertant.
Ingles mincioni, dighi, arzi ignorant!5
Credevev fors che non fussem de quij
de innorbì coj vost strasc, coj spezziarij?
On cazz! vardee? vj brusem ben d’incant.
Né ve credissev nanch che sti falò
se pizzassen domà per gust del Re10
in pubblegh e sui piazz? Mai, mai! Ohibò
I femm anch nun tra nun per nost piasè;
anzi on disnà nol ne fa mai bon prò
se nol sa on poo de gremm del vost caffè.