Poesie (Porta)/152 - In proposet de tì pret Navascion
 |
Questo testo è completo. | |
Carlo Porta - Poesie (XIX secolo)
152 - In proposet de tì pret Navascion
| ◄ | 151 - Già che voeuren che improvvisa | 153 - Musa rabbiada che te fee el mestee | ► |
In proposet de tì pret Navascion,
e della stampa che te m’ee imprestaa,
s’è mis in pee ona bella question
degna del dottor Gall tant rinomaa.
S’è ditt che se te gh’ee ona relazion5
quant al volt coj scimmiott del cuu pelaa,
t’en pò aveghen on’altra anca in reson
de caratter moral col foeuj stampaa.
S’è ditt di gran bej coss in conseguenza
de sto sistemma noeuv, ma in fin di fin10
emm trovaa tra tì e ’l foeuj stà differenza:
che quella l’è ona stampa bella e bona
e tì inscambi (salvand el collarin)
te see ona vera stampa bozzarona.