Poesie (Porta)/150 - El diseva el Balestrer

150 - El diseva el Balestrer

../149 - Calca l'aratro è ver, fatica e suda ../151 - Già che voeuren che improvvisa IncludiIntestazione 27 settembre 2008 75% poesie

Carlo Porta - Poesie (XIX secolo)
150 - El diseva el Balestrer
149 - Calca l'aratro è ver, fatica e suda 151 - Già che voeuren che improvvisa

 
El diseva el Balestrer,
e anch mì sont del sò parer,
che no gh’è per l’allegria
on loeugh mej dell’ostaria,
ma per fà poeù on sforz d’ingegn5
l’ha lodada in là del segn.

Per esempi, quell listin,
tant de pan, tanto de vin,
tant de galba, de pittanza
l’è pur anca on’increanza;10
mì per mì già l’è assee quell
a inversamm tutt el buell.

L’ostaria propri fada
a penell per vess lodada,
la reginna di ostarij,15
ver modell di polizij,
l’ostaria del coeur content
questa l’è dove semm dent!

Chì nessun no me rinfaccia
quell che costi in bev e in paccia!20
Chì nessun me ten de pista
se foo el quoniam sulla lista,
poss andà anca alla sordina
franch de gippa e de marsina.

E che viva, el mè Mariett,25
st’ostaria de Lorett!
L’è per vù che l’hoo inscì in stima,
che la lodi e imbrodi in rima,
ma vorrev semper con vù
divid semper tanc virtù.30