Poesie (Porta)/147/4 - On cazz che sia ben faa, gross e tirent
 |
Questo testo è completo. | |
Carlo Porta - Poesie (XIX secolo)
147/4 - On cazz che sia ben faa, gross e tirent
| ◄ | 147 - 3 - La cros de Malta, per quell ch'hoo sentii | 148 - Aveva fissaa in ment el mè Lanzett | ► |
On cazz che sia ben faa, gross e tirent,
l’è semper staa on’entrada bella e bona
de durà fin che al mond ghe sarà mona
o quaj olter busin da mettel dent.
Infatti n’hoo inscì vist mì della gent5
che a forza de ciavà quaj bozzarona
han vanzaa assee de falla alla spaccona
coj saccocc semper pien d’or e d’argent.
E se credissev che no fuss sinzer
ven poderev nominà sù on bordell10
che hin sciori incoeu, ch’even pitocch jer;
ma el Bergom, senza fà tanto spuell,
saravel ricch, saravel cavalier
se nol gh’avess avuu quell tocch d’usell?