Poesie (Porta)/144 - Sura donna Clarin con sò permess
 |
Questo testo è completo. | |
Carlo Porta - Poesie (XIX secolo)
144 - Sura donna Clarin con sò permess
| ◄ | 143 - Tucc i fior che la mammina | 145 - AI VENEZIANI CHE DEL 1816 IMPLORARONO S. M. I. R. PER NON ESSERE DIPENDENTI DA MILANO | ► |
Sura donna Clarin con sò permess,
incoeu che l’è el sò dì,
sont chì a cuntagh quattar gandôll anch mì,
cioè a basagh la man
e a inguraghen cent d’olter tutt l’istess5
de god a mezz col sò sur don Gajtan.
In quanto poeù ai gandôll,
per no cuntaghj in moeud ch’el sò consort
el faga di castij
o el l’abbia per intort,10
gh’j mandi dent sconduu in sti remissij
che me riven de Monscia appunt in st’ora
per bona ispirazion de la fattora.
Se poeù el sur don Gajtan de prepotent,
minga content de môll,15
el voress andà a toeulla anch coj gandôll,
patron: ch’el faga pur come ghe par,
infin sò dagn s’el trovarà l’amar.