Poesie (Porta)/136 - ARIA BUFFA
 |
Questo testo è completo. | |
Carlo Porta - Poesie (XIX secolo)
136 - ARIA BUFFA
| ◄ | 135 - AL SUR DON GIULI FERRARI SÙ A CASTELMART | 137 - EPITAFFIO | ► |
ARIA BUFFA
Omm: Cara lee, s’hoo de dighela s’cetta,
se la ved che ghe parli de sbergna
l’è per via de quella soa vergna;
i sò loffi fan minga per mì.
Traditora, birbona, sabetta,5
già l’hoo vista a fà i cart col Battista,
l’è fenida, la scassi de lista;
la saludi, bon ann e bon dì.
Donna: Caro lu, se l’è matt ch’el ghe staga.
Cosse serva ch’el smania e ch’el sbraggia?10
Anca mì già sont stuffa e sont saggia
d’on sofistegh gelos come lu.
Cosse fal? ch’el se moeuva, ch’el vaga,
i lizon sù per l’uss no me piasen.
L’è on lifrocch, l’è on socchetta, l’è on asen;15
aal capii? nol vuj pù, nol vuj pù.