Poesie (Porta)/126 - L'oltrer de sira, per dà on poo de biada
 |
Questo testo è completo. | |
Carlo Porta - Poesie (XIX secolo)
126 - L'oltrer de sira, per dà on poo de biada
| ◄ | 125 - PER LE FAUSTISSIME NOZZE DEL SESSAGENARIO SIG.R N. N. COLLA SIGN.RA N. N. GIOVANE D'ANNI | 127 - Pret, tosann, vicc, bagaj, sant de mestee | ► |
L’oltrer de sira, per dà on poo de biada
all’usell ch’el pareva lasagnent,
m’è saltaa in coeur de dagh ona sperlada
a ona brava marfisa per dedent.
Cristo che boeuggia! l’avess nanch vardada,5
la par on lamberint de perd la gent,
de chi gh’è on doss, de là gh’è ona vallada
de scià di pellegatt mezz sfilaprent:
da ona part l’è color de zenzuin,
da l’oltra l’è color de carna cotta:10
la par ona livreja de Arlecchin.
Basta, basta: hoo tiraa la conclusion
che per fass somejà bona la potta
no ghe va che ona ciolla e di cojon.