Poesie (Porta)/109 - SOLITA STOCCADA DE AKMETT
 |
Questo testo è completo. | |
Carlo Porta - Poesie (XIX secolo)
109 - SOLITA STOCCADA DE AKMETT
| ◄ | 108 - LA GUERRA DI PRET | 110 - I PUTANN AI "DAMM DEL BESCOTTIN" | ► |
SOLITA STOCCADA DE AKMETT
Alla testa de tutt el battajon
di soeu besogn, che hin fior de petulant,
el se presenta Akmett coj duu ajutant,
a cavall di chignoeu di soeu colzon.
E chì el protesta a tucc che i sò intenzion5
hin quij de tucc i roj belligerant,
ciovè de paccià e bev e stà d’incant
ai spall (con soa licenza) di mincion.
Donch se vorii fà a moeud d’on omm de pas
el mej de tutt l’è rendes addrittura10
e dagh de bon e bon quell che ghe pias.
Se de nò col stà dur e repettà
contra on stoccadoron de stà bravura
ve toccarà poeù el colp de fav restà.