Las Bacharias

../1 ../3 IncludiIntestazione 23 marzo 2021 75% Da definire

1 3

Scarica in formato ePub   Crestomazia Retoromontscha VIII   di Caspar Decurtins (1907)

Questo testo fa parte della raccolta Rätoromanische chrestomathie

[p. 282 modifica]

[p-41] Las Bacharias.

Vers la mited del mais November,
Cur già bun fraid cumainz’a fer,
Il pü suvenz però ’n Dezember
Scu eir qualvoutas pür in Schnêr,
5 Cur naiv cuverna prôs e vias
As faun tar nus las BACHARIAS;

Que ais ün di da grand fatschendas
Da grand lavur e confusiun,
Da grand Giantêrs e grand Marendas
10 E glieud in ches’a profusiun,
Ils vschins, amihs ed ils paraints
Piglian tuots part sco agüdaunts;

[p. 42] Scha Giuvnas sun nella famiglia
O Giuvens bels da marider,
10 La giuventün’il spass as piglia
E zopp’il bouv ch’ün voul mazzer,
Ils leders vegnan poi premiôs
Cun rosts e salsizs fümantôs!

La damaun saimpr’a bunuruna
15 Tuot la famiglia soul s’alver:
Il mezcher vain — e la patruna
Offr’il vinars anz’ co cupper
Accumpagnò suvenz perfin
Cun paun, chaschöl e biscottin;

[p. 283 modifica]


20 Zieva que taunt ün vo pel pü
Il bouv a mner sü della stalla
Ed a ’l fer ir cu ’ls peis dret sü
Cur cha ’l coppunz il copp nun falla
Il che ais eir già capitô
25 Cha ’l bouv függit zieva cuppô!

Al fer del di tuot la brajeda
’S’ radun’in stüv’a culaziun
Intaunt vain l’ova bain s-chodeda
Per fer la barb’e la funcziun
30 Al SALV’ONUR arduond e tais
Chi PUERCH as nomn’in nos pajais!

[p. 43] Ün zieva l’ort’allur cumainzan
Ils buns cuntschaints a capiter
Tenor la mod’e vegl’üsaunza
35 Ils bels Graschuns a visiter,
Onde la sair’all’ustaria
Pudair ognün dir sü la sia;

In chadafö ais la massêra
In grand fatschendas cu ’l gianter,
40 Cha l’ais ’na buna cuschinêra
Ell’in que di voul demusser
Perchè ’l giantêr da BACHARIA
Vain observô d’ la cumpagnia.

Zieva marend’o vers la saira
45 Pigl’ün per mauns cun il zapper,
Pür uoss’il bel vain della faira
Cur tuots as mettan a chanter,
Scha la taglioul’avess favella
Schi sgür chanter vuless eir quella!

50 Milli salsizs cun grand destrezza
Vegnan allur manipolôs,
Chi per bun gust e squisitezza
In lung e ’n larg sun renomnôs,
Sco eir ün plat per buochas finas
55 Sun nossas frais-chas lianginas;

[p. 284 modifica]


[p. 44] Fin mezzanot düra la festa
L’occupaziun e l’allegria,
Allur ognün cun plain la testa
’S renda cuntaint a chesa sia;
60 Quella chi ’s tegn’aunch’il pü buna
Cha glivro saj’ — ais la patruna. —

O progressists vus alla moda,
Chi tuot vulais remoderner
Bramais cha eau traunt’aint as loda
65 Schi noss vegls üs stais respetter
Laschand ch’ognün in chesa sia
Continu’ a fer sa BACHARIA!