Poesias sursilvanas/15
 |
Questo testo è incompleto. | |
Alphons Tuor - Poesias sursilvanas (1898)
15
| ◄ | 14 | 16 | ► |
Lamentischun.
,,In einem kühlen Grunde" (Nach Annalas, S. 179, 1898.)
En in vallà aunc sgarra
La roda d' in molin,
Da quel ei mia cara
Fugida sin bunfin.
5 Negin tegn sco ei para
Fideivladat uss pli,
Schizund la mia cara
Ha quella rut a mi.
Dei parcurir la tiara
10 Sc' in pauper musicant,
Per emblidar la cara
E la dolur tral cant?
Dei batter en l' ujara
Dei leu enflar la mort?
15 Tgei tratga mia cara
De mia tresta sort?
Jeu less ch' jeu fuss sin bara
En stiva dil molin;
Che leu sper mei la cara
20 Bargiess sur mia fin!